Amini Salum (30), mkazi wa mtaa wa Nyamalembo Halmashauri ya mji Geita amefariki dunia kwa kupigwa Risasi na majambazi baada ya kumsaidia mtu aliyekuwa anataka kuvamiwa na majambazi hao.
Tukio hilo limetokea Alfajiri ya Novemba 1/2022 ambapo Kamanda wa Jeshi la Polisi mkoa wa Geita Safia Jongo, amethibitisha kutokea kwa tukio hilo huku akiahidi kuwakamata wote wakiohusika na shambulio hilo.
"Ni tukio la kusikitisha ambapo majambazi, walitaka kujaribu kumpora mfanyabiashara mmoja ambae jina lake linahifadhiwa, na kwa bahati nzuri, yule mwananchi akaweza kukimbia na akapata msaada wa bodaboda, baada ya kupata msaada wa bodaboda, wale bodaboda sasa kwa kushirikiana na yule mhanga, wakaanza kuwafukuza wale majambazi, kwa bahati mbaya wale majamabazi walikuwa na silaha wakamfyatulia yule bodaboda" amesema Kamanda Jongo
Marehemu ameacha mke na watoto watatu
Via: EATV
