Breaking

Friday, 22 April 2022

WAZIRI MCHENGERWA AFANYA MAZUNGUMZO NA WAWEKEZAJI WA MIUNDOMBINU YA MICHEZO




Waziri wa Utamaduni, Sanaa na Michezo. Mhe, Mohamed Mchengerwa amekutana na kufanya mazungumzo na baadhi ya wawekezaji wa kujenga miundombinu ya michezo ambao wameonyesha nia ya kujenga miundombinu ya kisasa ya michezo hapa nchini.


Katika mazungumzo hayo ameambatana na Watendaji kadhaa wa Wizara yake kwenye Sekta ya Michezo wakiongozwa na Mkurugenzi wa Idara ya Maendeleo ya Michezo nchini, Yusufu Omary Singo wamekutana na wawekezaji hao na kufanya mazungumzo leo Aprili 22, 2022 katika Ukumbi wa Mikutano wa Uwanja wa Benjamini Mkapa jijini Dar es Salaam.





Waziri Mchengerwa amekutana na wawekezaji hao kufuatia dhamira ya Serikali ya Awamu ya Sita chini ya Rais Samia Suluhu Hassan ya kutaka kuinua kiwango cha michezo nchini kufikia ngazi ya kimataifa kwakuwa na mkakati wa kuwekeza katika ujenzi wa miundombinu ya kisasa ya michezo kote nchini.


Kwa sasa Serikali inakusudia kujenga miundombinu ya kisasa ikiwa ni pamoja na viwanja vya michezo, Sanaa na arena pia kuwa na miundombinu ya kisasa ya michezo kwa shule mbili kila mkoa.


Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia langolahabari@gmail.com au WhatsaApp: +255 621 896 990

Pages