Na Ayoub Julius, Lango la habari
Nahodha wa Real Madrid Marcelo amekuwa mchezaji aliyepambwa zaidi katika historia ya Los Blancos baada ya kutwaa ubingwa wa Uhispania siku ya Jumamosi tarehe 30 mwezi Aprili.
Mabao mawili ya kipindi cha kwanza kutoka kwa Rodrygo pamoja na yale ya Marco Asensio kipindi cha pili na Karim Benzema yaliipatia Madrid taji la ligi kwa ushindi wa 4-0 dhidi ya Espanyol.
Madrid wanamaliza La Liga wakiwa wamebakisha michezo minne, taji lao la kwanza la nyumbani tangu msimu wa 1988-89, huku mataji yao 35 yakiwa ni mengi kuliko timu yoyote katika ligi tano bora za Ulaya.
Carlo Ancelotti alijitengenezea historia yake ya kuwa kocha wa kwanza kunyanyua mataji ya ligi kuu tano za Ulaya (Uhispania, Uingereza, Ujerumani, Ufaransa na Italia).
Mchezaji wa kimataifa wa Brazil, Marcelo pia amejinyakulia alama ya kipekee kwa mafanikio ya Madrid, beki huyo mkongwe akijivunia idadi kubwa ya mataji baada ya kufanikisha kunyakua taji lake la 24 la ligi hiyo akiwa na Real Madrid.
Kabati la Marcelo linajumuisha mataji manne ya Ligi ya Mabingwa, Kombe la Dunia la klabu mara nne, makombe matatu ya Ulaya, mataji sita ya ligi, mataji mawili ya Copa del Rey na supercopas de Espana.
